Міндетті әлеуметтік медициналық сақтандыру (МӘМС) жүйесінің қатысушылары тек ЕАЭО елдерінен (Ресей, Беларусь, Армения, Қырғызстан) келген еңбек мигранттары және Қазақстан Республикасының аумағында тұрақты тұратын, ықтиярхаты (ВНЖ) бар шетелдік азаматтар ғана бола алады, деп хабарлайды Өңірлік Коммуникациялар қызметінен.
Уақытша тұруға рұқсаты (РВП) және ресми еңбек шарты болған жағдайда, ЕАЭО елдерінен келген шетелдік азамат МӘМС-ке жарна төлеуші болып табылады, бұл оған міндетті әлеуметтік медициналық сақтандыру шеңберінде медициналық көмек алу құқығын береді. Дегенмен, емханаға тіркеліп, медициналық қызметтерді алу үшін еңбек мигранты міндетті жүктелген медициналық сақтандыру полисін сатып алуы қажет, ол тегін медициналық көмектің кепілдік берілген көлемі (ТМККК) шеңберіндегі медициналық көмекті өтейді.
Ықтиярхаты бар шетелдік азаматтар МӘМС-ке қызметкер немесе дербес төлеуші ретінде жарна төлей отырып, емханаға ешқандай кедергісіз тіркеле алады. Бұл ретте, ықтиярхаты бар, бірақ зейнетақы төлемдерін басқа мемлекетте алатын зейнеткерлік жастағы шетелдік азаматтар Қазақстанда жеңілдікті санатқа жатпайтынын және МӘМС-ке төлемдерді өздігінен төлеуі тиіс екенін білген жөн.
Қазақстан аумағында уақытша жүрген, ЕАЭО елдерінен келген еңбек мигранты болып табылмайтын және ықтиярхаты жоқ шетелдік азаматтар МӘМС жүйесінің қатысушысы бола алмайды. Азаматтардың бұл санаты тегін шұғыл медициналық көмекке ғана сенім арта алады, ал жоспарлы медициналық көмекті ерікті медициналық сақтандыру негізінде немесе ақылы түрде алады.
