-9.1 C
Kokshetau
Басты бетЖаңалықтарАқкөл сайлаушылары дауыс беру күні өз армандарымен бөлісті

Ақкөл сайлаушылары дауыс беру күні өз армандарымен бөлісті

Сондай-ақ, оқыңыз...

Ақкөл тұрғындары Құрылтай сайлауында тек бюллетеньге белгі қойып қана қоймай, елдің және өңірдің болашағына қатысты өз тілектерін де білдірді. Дауыс беру күні әр сайлаушы арнайы ұйымдастырылған символикалық «Тілек ағашына» өз арман-тілегін жазып, бұтақтарына іле алады. Алғашқы сайлаушылардың қандай тілектер қалдырғаны назар аудартты, деп хабарлайды Өңірлік Коммуникациялар қызметінен.

Қатысушылар өз тілектерін қағаз жапырақтарға жазып, кейін оларды ағаштың бұтақтарына орналастырды. Дауыс беру басталғанына бір сағаттан сәл ғана уақыт өтсе де, тілектер саны артып, бастапқыда бос тұрған ағаш біртіндеп түрлі түсті, жарқын жапырақтарға тола бастады.

Акцияға түрлі жастағы және әртүрлі салада еңбек ететін азаматтар белсенді қатысты. Олардың қатарында жастар, аға буын өкілдері, кәсіпкерлер, түрлі саланың мамандары мен қоғам белсенділері бар. Солардың бірі – қоғамдық жұмыста мол тәжірибесі бар, бірнеше рет депутат болып сайланған, әлеуметтік жауапкершілігі жоғары кәсіпкер Валерий Николаевич Симчук. Ол үшін өз тілегін қалдыру – ел мен өңірдің болашағына деген көзқарасын білдірудің тағы бір мүмкіндігі.

«Мен ең қарапайым әрі ең маңызды тілегімді жаздым – елімізде бейбітшілік пен тыныштық болсын, әр отбасында денсаулық, береке және ертеңгі күнге деген сенім болсын дедім. Біреудің тілегі отбасысына, енді біреудің арманы балаларына немесе тұтас елге қатысты. Бірақ әр тілектің ішінде ізгі ниет бар. Бізге жақсы көңіл-күй сыйлап, әрқайсымыздың арманымыз бен үмітіміз бар екенін еске салды. Барлық тілектердің орындалғанын қалаймын. Ал кешке қарай бұл ағаш ізгі ойлар мен ортақ үміттердің символына айналса екен», – деп бөлісті акцияға қатысқан Валерий Симчук.

Жас сайлаушылардың тілектерінде де қарапайым әрі маңызды армандар жиі кездесті. Олардың қатарында бейбітшілік, жақындарының амандығы, денсаулық, оқуда және жұмыста жетістікке жету, өз жоспарларын жүзеге асыру және лайықты болашақ құру сияқты ізгі тілектер бар. Кейбір жастар саяхаттау, мансап, отбасы және өзін-өзі дамытуға қатысты жеке армандарын да жазды.

Акция бастамашыларының айтуынша, «Тілек ағашының» өзіндік тағдыры бар. Күні бойы сайлаушылардың тілектеріне толғаннан кейін, ол осы күнгі ортақ көңіл-күй мен азаматтардың болашаққа деген үмітін бейнелейтін символ ретінде сақталады.

Түрлі түсті жапырақтарға жазылған тілектер сайлау күнінің естелігін сақтап, қарапайым стендті азаматтардың өз қолымен жасалған ізгі ниеттердің өзіндік шежіресіне айналдырмақ.

spot_img

Тақырып бойынша мақала

ЖАУАП ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз

Байланыста болыңыз

17,600Оқырмандарорындаңыз
1,200Оқырмандарорындаңыз
2,008Жазылушыларжазылу
Kokshetau
scattered clouds
-9.1 ° C
-9.1 °
-9.1 °
94 %
1.6kmh
26 %
Пт
-1 °
Сб
3 °
Вс
4 °
Пн
5 °
Вт
2 °

Соңғы мақала