Биылғы жыл Біржан сал ауданындағы ауылдық денсаулық сақтау үшін маңызды өзгерістер жылы болды. Мемлекет басшысы Қасым-Жомарт Тоқаевтың тапсырмасына сәйкес, ауылдық жерлерде медициналық көмектің сапасын арттыру және бастапқы медициналық-санитарлық қызметтерді жетілдіру бағытында ауқымды жұмыстар жүргізілді, деп хабарлайды Өңірлік Коммуникациялар қызметінен.
Осы мақсатта Андықожа батыр ауылында жаңа фельдшерлік-акушерлік пункт (ФАП) құрылысын аяқтау – ауыл тұрғындары үшін үлкен қуаныш болды. Жаңа медициналық мекеме Тасшалқар және Андықожа батыр ауылдарының тұрғындарына қызмет көрсетіп, жалпы саны шамамен 1500 адамға қолжетімді медициналық көмекті қамтамасыз етеді.
Жобаның басты мақсаты – ауыл тұрғындарына бастапқы медициналық-санитарлық көмекті жеткізу, сондай-ақ профилактикалық тексерулер, зерттеулер және ауруларды ерте анықтау қызметтерінің қолжетімділігін арттыру.
«Заманауи ФАП тек медициналық мекеме емес, сонымен қатар жергілікті халық үшін денсаулық орталығы ретінде қызмет етеді. Мұнда вакцинация, профилактикалық тексерулер және денсаулық мәселелері бойынша консультациялар жүргізіледі»,-дейді мекеме басшысы.
ФАП ашылуы медициналық қызметті алу үшін қажет уақытты қысқартып қана қоймай, ауданның жалпы медициналық қызмет көрсету деңгейін арттыруға мүмкіндік берді. Сонымен қатар бұл – тұрғындардың денсаулық сақтау жүйесіне деген сенімін нығайтып, азаматтардың медициналық құқықтық сауаттылығын арттыруға бағытталған маңызды қадам.
Жаңа ФАП құрылысы мен жабдықталуы «Ауылдық денсаулық сақтауды модернизациялау» бағдарламасы аясында, мемлекеттік қолдау мен жергілікті биліктің белсенді қатысуымен жүзеге асырылды. Бұл көрсеткіш ауылдық медицинаға деген тұрақты назар мен қаржылық қолдаудың нақты нәтижесі болып табылады.
Біржан сал ауданындағы жаңа ФАП ашылуы – бұл тек денсаулық сақтауды жақсартуға бағытталған қадам ғана емес, сонымен қатар мемлекеттік назардың әрбір азаматқа сапалы медициналық қызмет көрсетуге деген ұмтылысының көрінісі. 2025 жыл ауылдық медицина саласы үшін нақты нәтижелер мен жаңа мүмкіндіктер жылы ретінде есте қалмақ.
