Зеренді ауылында су тасқынының алдын алу мақсатында қорғаушы топырақ үйіндісі мен дренажды-жаңбыр суын бұру жүйесі салынуда. Жобаны Зеренді ауылдық округі әкімінің аппараты мен Ақмола су қоймалары бірлесіп жүзеге асыруда, деп хабарлайды Өңірлік коммуникациялар қызметі.
Қорғаушы үйіндінің жалпы ұзындығы — 1300 метр, бүгінде 1200 метрі аяқталды. Жоба аясында екі автоматтандырылған сорғы станциясы мен жаңбыр және жер асты суларын бұруға арналған заманауи дренаж жүйесі орнатылуда.
«Барлық жұмыстар тұрғындардың қауіпсіздігін қамтамасыз ету мақсатында жүргізілуде. Ауылдың әрбір бөлігі тасқыннан қорғалған болуы үшін тұрақты түрде гидрологиялық жағдайды бақылап, жүйенің жұмысын үнемі тексеріп отырамыз», — деді әкімдік өкілі.
Сонымен қатар, Ж. Мусин көшесінде абаттандыру жұмыстары жүргізілді: жаңа жол жабыны төселіп, аулалар мен учаскелер тегістелді. Бұл ауыл тұрғындарының өмір сүру жағдайын айтарлықтай жақсартты.
Жобаның жүзеге асырылуы Зеренді ауылы тұрғындары үшін қауіпсіз әрі жайлы орта қалыптастырып, көлдің жағалау аймағын тасқын сулардан сенімді қорғаумен қамтамасыз етеді.
