Жарқайың ауданы тұрғыны Наталья Омарова мемлекеттік қолдау бағдарламасы аясында бес миллион теңге көлеміндегі грант алып, отбасылық бизнесін қайтадан жандандырып отыр, деп хабарлайды Өңірлік коммуникациялар қызметінен.
Мемлекеттік қаржылық көмек оның кәсіби ағаш материалдарын дәл әрі сапалы кесуге арналған заманауи станок сатып алып, өз өндірістік цехін ашуына жол ашты. Наталья Омарова отбасылық кәсібін қайта қалпына келтіру мәселесі бойынша «Атамекен» кәсіпкерлер палатасына жүгінген болатын. Сол жерде маман Галина Довгол мемлекеттік қолдау бағдарламасына қатысу мүмкіндігін ескерткен. Бұл бастамаға Жарқайың ауданының кәсіпкерлік және ауыл шаруашылығын дамыту бөлімі де қолдау білдірген.
Грант бойынша берілген қаражат шеңберінде ол ЛДСП-ны кесу процесін автоматтандырып, өндіріс сапасын арттыруға арналған жоғары технологиялық станокты сатып алды.
Бүгінгі күні Наталья Омарова өз цехінде, жұбайының демеуімен, өңделген ағаш материалдарынан жоғары сапалы өнімдер шығарып, аудан тұрғындарына қажетті кесу, қысқарту және басқа да ағаш өңдеу қызметтерін ұсынады. Енді жергілікті тұрғындар басқа қалаларға бармай-ақ, өз ауданының ішінде кәсіби қызмет ала алады.
«Бұл грант бізге жаңа бастама берді. Біз отбасылық бизнесімізді қалпына келтірдік. Жұмысты жандандыруға мүмкіндік алдық. Ауданымызға пайдалы бола алдық», – деп бөлісті Наталья Омарова.
Мемлекеттік қолдаудың арқасында отбасылық шаруашылық қайта жанданғаны, сондай-ақ шағын бизнес саласын дамытуға үлес қосып отырғаны айқын. Бұл бастама Жарқайың ауданы мен өңірдегі кәсіпкерлікті қолдаудың тиімді үлгісі ретінде бағаланып отыр.
