«Кенашы ауылының ЖОББМ» КММ соңғы екі жыл ішінде ауқымды күрделі жөндеу жұмыстары жүргізіліп келеді. 2024–2025 оқу жылының басына қарай жөндеудің бірінші кезеңі сәтті аяқталып, оқушылар жаңартылған, жарық әрі жылы мектепке оралу мүмкіндігіне ие болды.
Қазіргі уақытта күрделі жөндеудің екінші кезеңі аяқталуға жақын. Бұл кезең мектеп аумағын абаттандыру жұмыстарын қамтиды. Жөндеу жұмыстарын орындаушы мердігер ұйым — «Нұр-XXI» ЖШС белгіленген мерзімдер мен сапа талаптарына сәйкес жұмыс атқаруда.
Сонымен қатар, «Қазақстан халқына» қорының «Шағын жинақты мектептердің әлеуеті» бағыты бойынша және «Реновация» жобасы аясында мектепке заманауи үлгідегі жаңа кабинеттер берілді. Олардың қатарында физика кабинеті, робототехника кабинеті және әмбебап пән кабинеті бар. Барлығы да заманауи құрал-жабдықтармен қамтылған.
Жүргізілген күрделі жөндеу мен материалдық-техникалық базаны жаңарту — білім сапасын арттыруға бағытталған маңызды қадамдардың бірі, деп атап өтті аудандық білім бөлімі.
«Кеңащы ауылындағы жаңартылған мектеп — бұл тек жөндеуден өткен ғимарат қана емес, бұл — адам капиталына салынған нақты инвестиция. Біз әрбір оқушыға, тұрғылықты жеріне қарамастан, сапалы білімге тең қолжетімділік жасауды мақсат етеміз. Жаңартылған жағдай мен заманауи құрал-жабдықтар оқушылардың табысты білім алуына және мұғалімдердің кәсіби өсуіне мол мүмкіндік береді деп сенемін», — деді Біржан сал ауданының білім бөлімі басшысы Ақкенже Ақшалова.
Бұл бастамалар оқушылардың жан-жақты дамуына жағдай жасап, білім беру жүйесіне деген сенімді нығайтады және жас ұрпақтың жарқын болашағының негізін қалайды.
