2025 жылға арналған басты міндеттердің бірі – 2025-2030 жылдарға арналған Ақмола облысының Цифрландыру стратегиясын әзірлеу. Бұл құжат өңірдегі цифрлық бастамаларды әрі қарай дамытуға және заманауи технологияларды енгізуге негіз болмақ.
Ерекше назар – облыс әкімі жанындағы Ситуациялық орталықты іске қосуға аударылмақ. Оның негізгі мақсаты – жасанды интеллектті пайдалана отырып, тәуекелдерді болжау және нақты уақыт режимінде тиімді шешімдер қабылдау.
Цифрлық трансформация жұмыстары үздіксіз жалғасуда. Алдыңғы қатарлы технологияларды енгізу – азаматтардың өмір сапасын арттыруға, бизнесті қолдауға және инфрақұрылымды жаңғыртуға бағытталған басты басымдық.
«Біз цифрлық шешімдерді белсенді енгізуді, автоматтандыру деңгейін арттыруды және мемлекеттік процестерді оңтайландыруды жалғастырамыз. Цифрландыру – өңірді басқаруды барынша тиімді әрі ашық ететін құрал», – деп атап өтті жауаптылар.
