2025 жылдың бірінші жартыжылдығындағы Еңбек инспекциясы комитеті департаментінің жұмысының қорытындылары және даму перспективалары туралы брифинг барысында «Қазақстан Республикасының Еңбек және халықты әлеуметтік қорғау министрлігі Мемлекеттік еңбек инспекциясы комитетінің Ақмола облысы бойынша департаменті» РММ басшысының орынбасары Уақыт Бейсембаев мәлімдеді.
Спикердің айтуынша, биылғы алты айда департамент еңбек заңнамасының сақталуына тұрақты мониторинг жүргізіп, кәсіпорындардағы еңбек жағдайын жақсарту бағытында бірқатар шаралар қабылдады. Нәтижесінде бірнеше еңбек даулары шешімін тауып, қызметкерлердің бұзылған құқықтары қалпына келтірілді.
Сонымен бірге, әлеуметтік-еңбек саласын цифрландыру шеңберінде өңірде электрондық еңбек шарттарын тіркеу жұмыстары белсенді жүріп жатыр. 2025 жылғы 8 тамыздағы жағдай бойынша Ақмола облысында 11 041 кәсіпорын тіркеуден өтті, бұл жоспарланған 12 839 кәсіпорынның 86 пайызын құрайды. Электрондық форматта 154 721 еңбек шарты жасалып, жоспардағы 170 319 шарттың 91 пайызы орындалды.
«Цифрлық жүйе еңбек шарттарын рәсімдеуді жеңілдетіп қана қоймай, олардың сақталуын қамтамасыз етеді. Бұл өз кезегінде еңбек қатынастарының ашықтығын арттырып, заң бұзушылықтардың алдын алуға ықпал етеді», – деді Уақыт Бейсембаев.
Департамент алдағы уақытта да еңбек қауіпсіздігін қамтамасыз ету, өндірістік жарақаттардың алдын алу және цифрландыруды кеңейту бағытында жұмыстарды жалғастырмақ. Барлық іс-шаралар қатаң бақылауда болады.
